吃喝玩樂新加坡2010 
今次目的地係新加坡，雖然要一早上機，但我都好開心呀！  
一大清早起身上到飛機，當然要食番個早餐啦！  
三個多小時的機程後，好快就到達了新加坡，一落機的感覺係.....好熱好曬呀!! 
這就是我們今次住的酒店，之前這裡是舊式的新加坡郵政局，外面睇都很古式。  
 
但估不到房內的窗一開，居然是望到....內堂景，真係有點奇怪!  
又係一家三口大合照時間  
影完相後，因為好肚餓，我們決定走先搭地鐵去一趟牛車水搵食  
天氣熱，一定要買杯嘢來解解渴！一杯凍龍眼水及竹庶汁！ （味道跟香港有很大的分別>_<)  
之後我們便回酒店預備游泳  
酒店附近有很多人同這隻牛拍照呀!! 所以我都要同牛牛影吓相!  
重有這個地標叫做"河的子民" 
第一日，無咩目標地方想去，最好都是游泳！  
難得媽咪與我一齊下水！！  
游泳過後，已經天黑了，我們出發去搵食 
去到比較旺區的Clarke Quay..... 因為爸爸想去一間有美女侍應的餐廳  
原來這間店的每一個侍應真的同上面那個一樣呀，每個都係咁的衣服同咁好身材呀！ 這間店的食物同侍應一樣，高水準.....值得再去! 
但可惜我們沒有叫她們一同拍照，唯有在門口拍照留念啦！  
之後我們見到有個土耳其叔叔在買雪糕，他一邊整雪糕一邊玩叮叮！  
我叫咗士多啤梨味道，真的不錯呀！ 
後來我們見到有人玩彈彈波，他們把三個人彈到好高好高！  
嘩。。。真係好高，好刺激呀！  
第二日一早，我們便出發往聖陶沙的海洋水族館，今天真好彩，一出門口就有往聖陶沙的小巴  
沿途我們見到很多很古式的建築物 
 
到達聖陶沙後，還要轉單軌電車往水族館  
 
到步後，我們便到水族館買票，但原來海豚及海獅表演要再等到下午三時！  
在等候其間，爸爸與媽咪走了去一間Fish Spa到俾魚魚啜啜腳  
這裡有兩個魚缸，左邊的放大魚，右邊的是放細魚，我們當然選擇細魚啦！  
起初Colin見到媽咪的腳俾成個缸魚咬，大叫要攞番雙腳出來！ 
後來爸爸也加入一齊玩！  
大約要俾魚啜二十分鐘，感覺Good!   但你睇吓那些魚魚.....在爸爸的腳很辛勞地啜，還啜到不停往上，真係辛苦晒！ 
魚魚啜完及按摩後，看見很多人在水族館附近的大自然野餐，於是我們便在附近搵食。 
在野餐的地點，不停有很多動物呀！有雀，有蛇，重有孔雀四圍走！  
我們在這唯一的一間快餐店買嘢食，但味道真的不錯呀！  
但.....食食吓，媽咪突然大叫，還問爸爸有無"殺蟲水".....因為有隻很大的四腳蛇望著佢!! 
你睇吓......真係好長好大隻呀，有成條手咁長呀!後來佢可能怕咗媽咪走咗啦! 
食飽後，我們入到水族館的捉摸區，但這裡好奇怪，連鯊魚都有得摸呀！  
其他的海洋動物就一般啦！  
 
在水族館中，有條海底隧道，但.....其實內裡很細，你睇那些鯊魚都要層層叠來瞓呀！  
之後我們就去睇海豚及海獅的表演，但天氣很熱，你睇。。。等到成個人都出晒汗啦！  
海豚及海獅的表演  
由聖陶沙回酒店，已經是黃昏時分，所以回去沖涼後再出發搵食  
今晚我們去了出名食海南雞飯的地方， 但我們覺得.....最超勁出色的是龍蝦咖沙麵!勁讚呀! 
   
第3日的一早，我們食過早餐後，便去坐鴨仔車(船)在河及一些多古式建築物的地方遊覽  
 
在途中，有個哥哥不停在介紹新加坡的一切，而我也很留心地聽呀  
   
遊完河後，在商場內見到有一個展覽，係關於9月新加坡的一級方程式賽車，重有靚女任人影呀!  
之後又到搵食時間，我們去了Maxwell Food Center  
有海南雞飯，有飛碟蠔餅，有馬拉薄餅，炸香蕉.....等等   
Colin一個人都可以食晒一碟雞飯，正呀！這比之前一晚食的更好味！ 
食完後，我們又要趕去另一個地方再食，就是出名食咖吔多士的"亞坤"  
Colin每餐都努力地食.......勁!   
兩餐後，Colin都飽到.......頂著啦! 
所以決定回酒店做吓運動!不過......曬到燶晒啦!  
游泳後，我們就出發去看Night Safari  
但可惜天下著微雨。。。。工作人員說動物Show可能會因不停雨而取消  
我們因為太早去到，坐車看動物都一定要等到七點後天黑才有得看...... 
我們只好提早少少食晚飯    
我們由天光排到天黑才能登車  
登車後，因為未天黑，所以大家都要等........ 但到了天黑，我的相機太弱啦，所以咩動物都影不到！！ 但最可惜是因為雨不停，所以不能觀看到動物表演。  
看完動物後，我們決定再去搵食....我們去了"老巴剎"食宵夜!  
這夜的宵夜也很豐富呀，有蝦串燒，有雞及牛串燒及炒菜頭裸，還有健康的楊桃汁及橙汁作消化啦！ 
到了第4日，每天起來最緊要是食豐富的早餐！ 
我們今日的第一站就是"黃亞細肉骨茶"，雜誌說這間是新加坡最好味的一間。 
我們叫了薏米水，肉骨茶，卥豬手，油菜，卥豬肝/腰     
真係好好味呀，你睇Colin都食咗好多豬手， 差點連自己的手指都想一齊食呀!  天氣實在太晴啦，熱到同曬到.........溶晒呀!!這一區是屬於小印度的一個角落 
食飽後在附近有冷氣的商場逛了一陣，便成車往東區食海鮮的地方， 叫做"East Coast Food Center"，這裡每間餐廳都是向海，就算坐露天也不覺熱  
根據雜誌的介紹，這間"珍寶"是食黑糊椒蟹最出名呀!  
食物未到，拍張相留念吓先！  
嘩。。食物來啦，有椰青，有麥片蝦，有黑糊椒蟹，有薑蔥爆牛肉    
嘩嘩嘩。。。隻蟹真係好味到。。。。不能用筆墨來形容呀！！  
我真係食到好飽呀，你地睇吓我個肚腩呀！！ 
食飽後，我們急趕去魚尾獅拍照，好彩未完全天黑！ 
 
 原來後面有隻細的魚尾獅，但牠只懂噴小水柱 
游夜水也很好呀，不用曬燶，而且也很浪漫呀！  
游完水後，Colin同爸爸話要食嘢，我們便去了一個商場看看有什麼可吃   
Colin的戰鬥力真係。。。。勁！ 
單單一份多士點會夠Colin食呀，之後再戰另一間熱狗店  
原本Colin開開心心的食熱狗....但......佢突然話條脷好熱，好辛苦咁  
原來媽咪無睇清楚，以為這包是茄汁，等到Colin話條脷熱時，我一睇才知這包係辣椒汁 
所以立即買番個雪糕俾佢補番數！無晒事！ 
到了上機前，我們去了Cavenagh Bridge  
之後我們再到了Newton Food Centre食鴨飯  
哈哈......又開餐啦! 食鴨飯! 正!  
這就是鴨飯及蝦炒麵  
我們到了新加坡機場預備回香港啦!  
辦好登機後，我們見還有時間，便乘電車到另一個Terminal看看有沒有東西可以食! 
搵到一間又係扮香港茶餐廳的店，但......完全沒有港式茶餐廳的東西  
Colin很失望，他想叫個公仔麵也沒有 
上到飛機又未到派餐時間，唯由食著花生頂肚  因為係夜機關係，Colin除了清晒自己的餐外連爸爸媽咪的都......俾他食清 還問爸爸"要飯呀!".........我到這刻才覺飛機餐這麼細小。 
我們這樣就結束了五天的旅程，但我們會為了食嘢，再回新加坡呀！ | 
